«Սեբաստացի» գինի
«Մխիթար Սեբաստացի» կրթահամալիրի Քոլեջի ուսանողները փորձառու գինեգործների ղեկավարությամբ արդեն վեց տարի ուսումնասիրում, կրթվում և ստեղծագործում են գինեգործության ոլորտում։ Այսպիսի աշխատանքի արդյունքն է եզակի ու ինքնատիպ արտադրանքը՝ «Սեբաստացի» գինին։
«Սեբաստացի»-ն պատրաստվում է տեղական արտադրության խաղողի հատուկ ընտրված խառնուրդներից՝ Հաղթանակ և Չարենց տեսակներից։ Գինեգործության ամբողջ գործընթացը՝ սկսած վազերի խնամքից մինչև խաղողաքաղ, ջարդում, խմորում, հնեցում և շշալցում, տեղի է ունենում խստորեն վերահսկվող պայմաններում՝ բարձր որակ ապահովելու նպատակով։
Սա ոչ միայն գինի է, այլ նաև կրթական փորձառություն․ ուսանողները ձեռք են բերում հմտություններ խաղողագործության, գինեգործության, թիմային աշխատանքի և մարքեթինգի ոլորտներում։ Արտադրանքը հասանելի է սահմանափակ քանակով։ Այդ պատճառով առաջարկում ենք օգտվել այս բացառիկ հնարավորությունից՝ համտեսելու ոչ միայն հիանալի գինի, այլ նաև մասնակցելու կրթության մի յուրահատուկ նախագծի։
«Սեբաստացի» գինու յուրաքանչյուր շիշ մեր ուսանողների աշխատասիրության, նվիրումի և սիրո վկայությունն է: