«ԷվենտՏուրա»

«ԷվենտՏուրա» ընկերությունը («ՆՈՒՄԱ» ՍՊԸ-ն)  փառատոներ, կոնֆերանսներ և այլ մեծածավալ միջոցառումներ կազմակերպող ընկերություն է: «ԷվենտՏուրա․ իրադարձային զբոսաշրջության գործակալության» առաքելությունն է Հայաստանը դարձնել աշխարհի զբոսաշրջային գլխավոր մեկնուղիներից մեկը։ Արագ փոփոխվող աշխարհում զբոսաշրջությունը ևս արագ ու ճկուն փոփոխությունների է ենթարկվում, առաջ է մղվում իրադարձային զբոսաշրջությունը, ուստի ընկերությունը փորձում է գտնել զբոսաշրջության նոր մոդելներ, որը կփոխի զբոսաշրջության մասին կարծրացած պատկերացումները։  Ընկերությունը մեծ միջոցառումներ և փառատոններ կազմակերպելով՝ զբոսաշրջիկների հոսքերը ուղղորդում է դեպի կոնկրետ իրադարձությունների՝ ապահովվելով նրանց հաճելի ժամանցը, միևնույն ժամանակ պատմելով երկրի մշակութային արժեքների մասին։

Բացի այլ ընկերությունների համար խոշոր միջոցառումներ կազմակերպելուց, «ԷվենտՏուրան» ստեղծում և մշակում է իր սեփական ծրագրերը, որոնց թվում են` «Երևանի Գինու Օրեր» 2017թ.-ից ի վեր, «Երվանդ Զանազանիան․ լուսանկարչական սեմինար և վարպետության դաս» 2018թ․, «Երևանի Գաստրո Օր» 2019թ․, «Մորուք Ֆեստ» 2019թ․, «Երևանի Երաժշտական Գիշեր» Կամի երաժշտական ակումբի հետ համատեղ 2017թ-ից սկսած, «Գարեջրի Օրեր» 2021թ-ից սկսած, «Գինու Գույնը Ֆեստը» (առաջին անգամ 2022թ.) և իր նախաբանը՝ «Արվեստոտ Օր Դիլիջանում» 2021թ․, «ՄետաԷքսպո» (առաջին անգամ ՝ 2023թ.) և այլ միջոցառումներ։ Իրականացրել է նաև «Անկախության տոնը» Երևանում 2018թ․ և Գյումրիում 2019թ․ կառավարության կողմից կազմակերպվող միջոցառումների բոլոր գոտիները բացի երաժշտական գոտիներից։ «ԴԱՐ» հիմնադրամի «Գագարին» նախագծի շրջանակներում նախագծել է «Լավաշի Միջազգային Օր» փառատոնը Ծաղկունք գյուղում։ Միջոցառումներից ամենահայտնին «Երևանի Գինու Օրերն» է, որը 2023թ-ին ունեցել է ավելի քան 120,000 այցելու:

«ԷվենտՏուրան», մի քանի ամիս տրամադրելով միջոցառումների նախապատրաստման համար, առաջնային է դարձնում վերլուծել և հասկանալ բոլոր հնարավոր շահագրգիռ կողմերի նպատակները և ապահովել նրանց առավելագույն բավարարվածությունը՝ չմոռանալով, որ Հայաստանը պետք է լինի գլխավոր շահառուն: Միջազգային տուրիստական գործակալությունների, լրագրողների և բլոգերների, միկրոբլոգերների հետ ունեցած փորձի և կապերի, թիմի՝ ազգային փառատոների ընթացքում ձեռք բերած հմտությունների և գիտելիքների շնորհիվ «ԷվենտՏուրան» երաշխավորում է համագործակցության մասնագիտական պատշաճ վարքը, միջոցառման ժողովրդականությունը և խթանումը:

Մեր Թիմը

Մերի Բադալյան

Համահիմնադիր և գործադիր տնօրեն

Քրիստինե Սարգսյան

Նախագծերի կառավարիչ

Հրանուշ Գրիգորյան

Նախագծերի կառավարիչ

Նունե Մանուկյան

Համահիմնադիր և կրեատիվ տնօրեն

Ալիսա Օհանյան

Նախագծերի կառավարիչ

Վալենտինա Դոստակովա

Նախագծերի կառավարիչ

Մարիաննա Վարդանյան

Նախագծերի համակարգող

Լիլիթ Ծառուկյան

Փոխտնօրեն, Նախագծերի կառավարիչ

© Երևանի Գինու Օրերին մնացին հաշված օրեր Շտապի՜ր

Բաժանորդագրվել նորություններին