«Արանի» ընկերությունը ներկայացնում է «Ostviind» բնական գինիների բացառիկ տեսականին։ Հայկական խաղողի տեսակներից ստացված այս գինիներն արտադրվում են առանց ծծմբի երկօքսիդի (SO₂), կոնսերվանտների և հավելումների։ Օգտագործելով միայն կենդանի խմորիչներ՝ մենք ստանում ենք մաքուր և ինքնատիպ խմիչք։ Շարքը ներառում է մուգ ոսկեգույն, սպիտակ և կարմիր անապակ, ինչպես նաև սպիտակ կիսաչոր տեսակներ՝ օժտված ներդաշնակ համով ու բնական ուժով։

• Մուգ ոսկեգույն անապակ (Մեղրաբույր). Նուրբ մուսկատային բույր և պարուրող փափուկ հյուսվածք։ Մատուցել 12–14°C: Լցնելուց հետո սպասեք 5–7 րոպե՝ համի կատարյալ հավասարակշռության համար։
• Սպիտակ անապակ (Սպիտակ մուսկատ). Բազմաշերտ գույն և նուրբ կառուցվածք։ Մատուցել 10–12°C: 3–5 րոպե անց ծաղկային նոտաները տեղի են տալիս հագեցած մեղրային երանգներին։
• Կարմիր անապակ (Կուպաժ). Հեղինակային եզակի միություն։ Հասուն հատապտուղների խորը համ և թավշյա տանիններ։ Մատուցել 14–16°C: 5–7 րոպե օդի հետ շփումը բացահայտում է գինու ողջ հզորությունը։
• Սպիտակ կիսաչոր (Ռքածիթելի). Բնական քաղցրության և թարմության ներդաշնակություն։ Սերկևիլի և դաշտային մեղրի նոտաներ։ Մատուցել 10–12°C: 3–5 րոպե «հանգստից» հետո բույրը դառնում է առավել ծավալուն։

Մեզ համար կարևոր է մեր գինիները դարձնել հնարավորինս մաքուր և պահպանել դրանց բնական իսկությունը։